Tus qaib uas yuav coj los Iwm yuav tsum yog tus lau qaib liab los yog tus lau qaib dub wb, tus qaib no yuav tsum yog tus qaib qua qaws, yog tsis muaj qaib siv ib khub xyab los lwm kuj tau thaib. tsis txhob siv qaib dawb los yog qaib cuas luam. Muab yus sab tes xis tuav tus qaib 2 sab taw, muab sab tes laug mus tuav tus gaib lub hauv siab, kev, Iwm yuav tsum Iwm mus sab xis xwb.
Cov lus wm
Auv! Hnub no zoo hnub, hmo no zoo hmo, hnub no yog hnub dawb hmo no yog hmo huv, kuv tus tub coj tau nyab los txog vaj txog tsev lawm, kuv ua txiv kuv yuav los Iwm tub thiab nyab nkawv. Kuv Iwm no kuv yuav tsis lwm nkawv plig tub nyob luag li ntxhub, plig ki nyob luag li ntxhi, kuv yuav tsis Iwm nkawv kev txij kev nkawm, nkawv ntaub noj
mus ntawv haus.
Kuv yuav los wm nkawv niag sub dub, sub doog, vij dab vij npog, vij tuag saum txaj, vij tuag saum chaw, kua muag iab coj kua muag daw, kws txaij kws nraug, kev phem kev tsis zoo kuv yuav muab Iwm huv tib
si kom cua tshuab li kaus mus rau dej, dej tshoob li ntws mus rau zaj zeg, zaj zeg tshoob li qho mus rau zaj qhov, ntws li nroos rau hiav looj hiav txwv kom ntsej tsis hmov muag tsis pom, mas kom kuv tus tub thiab tus nyab no los ua lub neej nyob kom muaj tub muaj ki, kom tub ki mas vam nkaus xws xub ntab, vam nroos xws xub muv, ua lub neej nyob mas kom thiab thiab niaj kom tsis muaj mob, txhiab txhiab xyoo kom tsis muaj nkeeg, los ua lub neej nyob mas kom muaj nyiaj muaj txiaj, khwv kub los kom tau kub khwv nyiaj los kom tau nyiaj, ua yam twg los kom tau yam tawd, thiab los ua lub neej nyob mas kom tsuas muaj huaj vam huaj thaij wb lau!
Download File
